ADLIS S TMAZIGT

Abrid in memmu Iges adrar n infusen s t\ablev :
Tawalin uh tansa n adlis amazray s umazig . yemmari s isekkilen n taârabt s tmazigt l libya : (tanfusit ) .

Yuri-t mass  BRAHIM USLIMAN ACEMMAXI , ilul di ( yefren ) , d neyyet u==ut s tmurawin tmeqrarin d  adrar n infusen .

-Yemmari adlis uh d  aneggura n accaw wismrawt/a , d  asuggas n 1885 .

Adlis uh tazrawt tamazrayt af ibab n adrar n ifusen , d tmurawin-nnsen , d memmek tisi tmeddert nnsen .
T tazrawt uh tem/un af sen n imura :

Amur amezwar :

 Yutlay dis af tmurawin n adrar ..tmura ..tnura , d yutlay af may yella di yal tmura : iwdan , taddarin , Igusraw . d yutlay af may  gersen iwdan-uh n lmelk , d tamurin d l;iwan .

-Amur wissin yem/un in ixfawen :

Ixef af lwulat n adrar , d smanis ttasund .
Ixef d  abrid n lmiri .
Ixef di tsetci n ibab n adrar .
Ixef di tmeddert n ibab n adrar .
Ixef d  islan n ibab n adrar .
Ixef di memmu yezdeg d  adrar n infusen .
-S awal-uh elli nemlu di tazwara ad-d-nawi may yuri mass Brahim usliman acemmaxi , d  adlis nnes :

LBAB DI LMUDIRIYYET N YEFREN:
 

Ali d  usef n ( umnar ) al-lemmi at-tased in gasru n

 ( agrem ) , neyyet ibadiyyen d yella af ider n usef s lqiblet , d ider abe;ri dis .i. n amen mmalun-as ( tificcna) dis a yegg ikzan n tim.iwin n tezday , d dis tte//an Igemmayen yerxa . denng-as gasru n ( lqelaet ) dis a-yegg ufes d u==un n tem.iwin n tiddar . d dis cart n tmezgidiwin ..u==ut mmalun-as ( tadwit ) , d tidi tmezgida n (l;umet)

D tidi tmezgida n ( arnun ) ……

                                                               Asebter – 2

LFEVL DI TAMURT N FEVVATU :

…Ssyus ali d  abrid n jjfaret at-tased in gasru n ( jadu) , yella d  Igef n adrar , ssat-as talat n azemmur , saddew-as a/\u d  alemmas nnes cart n tmezgidiwin , d saddew-as u==ut mmalun-as tmezgida n ( lxuxet ) , d tidi ( ammi bidet ) d ( lgennuni ) . t tmezgida n (gasru) a tegg ufes n tem.iwin n tiddar …

                                                                Asebter-19-20

LFEVL D  ISLAN N IBAB N ADRAR :

…Ass n legmet , s  allay n tufut an tuqzin d niten ttse``un d  arway d isan . imazigen d ibeyyaten , imellalen d ize..afen . an tuqzin ad-d awin algem ad gun gfes taderbukt d at sse\wuten sbi; , ad ssekmun dis tsilewt d bucil meccek , ded tziwa n arway ….

                                                Asebter - 45
 

LFEVL DI MEMMU  YEZDEG ADRAR N INFUSEN:

Niten af sen , sisen wassi mazig d sisen wassi yus  ed s amkan waye. .
-wassi mazig si lbaqul an ( lalut ) d mmalun-asen an tirew imazigen , d niten iwdan hdan imul , ssusmen al-lemmi ivar msala ttqimun in deffer .
-wassi yus - ed s amkan waye. , ( fevvatu ) d ( at-yefren ) niten imezwaren nnsen …

                                                 Asebter-47

Tagrayt n adlis :

Yuqa may yewwi-d =ebbi s gres s awal amazig n infusen , ass n caret n ifessen , d u==un s iyyerren n tfaska tameckant , sugges n sen n ifessen d caret n tim.iwin d sen . af ufes n memmu ttyurin : Brahim usliman acemmaxi , s irwan n yefren .

                                                  Asebter-48

Gret tamawt :

Dis tgusa tatrart yessemres-tet amyaru di tira-nnes..

                   SINE< S TMAZIGT  :

U==un –1             Sen n ifessen  - 10                                      
Sen      -2              Caret n ifessen - 15
Caret   -3               Uyer   - 30
Ikzan   -4               Zegni n tim.i - 50
Ufes    - 5               Tim.i   - 100
                              Ufes n tim.iwin - 500

-Sen n ifessen d caret n tim.iwin d sen  1302-h
Am,an-uh aneggura nit asuggas elli yemmari dis adlis n Igasra d ibriden .

      
                      Asiram saâid