A temmut tansayt tagerfant d isefra d tawalin d tsisaw tigerfanin and a tawe. in imengI n tameslayt n agdud ..

Daha tidet n tamettant tameqrant n agdud-uh .

May yeqqim in agdud ? ..

Nit s  manis yemmut .

D amezwar ad sestneg iman-iw ..

Memmek ad nejjmeg ad ssedreg tansayt n agdud , temmari af a.u d ical d ttun-tet iwdan nnes ?.

d ;eqren-tet yunnes s agles n amezruy nnes .

d yemlu : tyuh( aneglan)

Neg lxurraf n emm sisi , elli ddernet an imezwaren aggid d ad mmut-net s iffag n tufut .

Tsisaw-uh muc s tiktiwin n yal amaru neg s tiktiwin n yal iwen ye..ef aqlam d yemlu : s ad arig tsisaw ..

Maca lemmi dis memmu s ay-nejjem ay-ari neg

ay-mel tsisewt nit agref , nit agdud …. Di  lweqt elli yewâer bac a-ttakzed lemmi temmimel neg memmu yemlet-tet .

D wuha elli ye== –et-tet tin yal iwdan d nnan-as :   ( tsisewt tagerfant ) .

Tsisewt tagerfant tefk –aneg udem n tameddurt n agref di isuggasen ugurun si zik . d sis an-nakez amek tella tameddurt n imezwaren n iwdan nneg af tidet nnes di  yal Udmawen n tameddurt .

Agref ur yufu lweqt bac ay-ari may yella af ilsawen  yekker yuri s iles-nnes af a.u ..neg af ical n tiniri .

D may sa yeqqim s tgusiwin mmarinet af a.u neg af ical?.

D erni –yas ;eqren-tet yunnes .

Maca s tamkerra eqqimunet accar n tawalin neg tsisaw neg isefra .

D adlis-uh rrig awal agi yellan af ilsawen, d a.u , d  ical n tiniri tira ded tegri .

D ur kkseg , ur errnig tawalt s ayen yellan di tansayt n agref .. d s ayen yeggulezt a.u , d sayen yeqqim d ur yettut aqerru . neg ayen yemmiti agar iwdan.

Maca  cek ay-ittay ur nessuggem sik awal .

 IMAL
 

Tazwart-tuh s tazwart n adlis yuri-t saaid lme;ruq (avwat muntavef  allayl)