دي تمورا موش تمورا نو

ادبير املال

أف اوفسـ نـو... يوسد يودد

ئيغزريّد...

توه تابرات اس يادجيـ ك... يملـيد..

ديس توريـ اك... ماني اوراغـ نس تكوّ.

د نيت ان ربي ـنس تلا تيرو.

يدجيتت د ئيفار.

أوريغـ تت، د اغريغـ تت...

س توتلايت نـ يادجي تماري أوفيغـ تت ،

د توه توتلايت د تيغـ تت.

ماي س أدكغ  باش ادكزغ  ماني أوراغ  يمحرز.

سيولغ اف أمدوكلنو... تازلا يوسيّد.

أمليغاس  توه  تابرات اس يادجي،

ئغرييد ماي توريّد ديس.

يغرو د يوكز... يزرو ئين اوجنا، يمليد:

أسارووف، ولـ أوكزغ  شرا...توه  تابرات  تماري  ئين وئللي يتاكز. نتشي تيرو  س ادوكورغ ازدفري تمدورت تايط.

يوكور ئين ماني يمحرز أوراغ ، يخوات د يوكور.

تيموتشو، اوفيغ اودجون مشكون، مليغاس:

أي طروا، ئغرييد ماي  يماري دي تاورقيتوه. انشاء الله اتكبرد د اتصارد  د اعزري.

يغرتت غفي، اكرغ اخويغ ايمانـ نو،

اوليغ  تازلا  ئين ادرار، ئين ادغر ئيه  ئللي يمحرز ديس اوراغ...

اوفيغت يمغز، د اوراغ  ول يلاش.

اوراغ يوكور... د نتشي قيمغ د اهلواس.

وئللي يسلو سييد..

غفي يظسو انسي يكرورب     

د وئللي ول يسلوش

جيتشا ايسل... د ايظس د ايكرورب

اديّك دي تسيسوت.. اتـ يمل اين ارانس... ادظسون د ادكروربن... ادكزن تمدورت د ادوعان.

تانميرت
روميتون: أوزلو ايغس تويزا
تحية حب حارة إلى كل الامازيغ ،الذين حافظو على لغتهم، تقافتهم  واصالتهم، وعلموها لأبنائهم،  ولم يرضوا أبداً أن ينسوا تراب وطنهم النفيس المروي  بدماء الرجال العظماء.